ചിതലരിക്കുന്ന ഓട്ടോഗ്രാഫ്

   

     അന്ന് അവസാന പരീക്ഷയും കഴിഞ്ഞു, പുറത്തിറങ്ങിയ എല്ലാവരുടെ കണ്ണുകളും നിറഞ്ഞിരുന്നു ,കുറച്ചു പെൺകുട്ടികൾ കരയുന്നുണ്ട് കുറച്ചാളുകൾ പരീക്ഷയിൽ നേടിയ പരീക്ഷണത്തേ വിലയിരുത്തുന്നു ചിലർ ഓട്ടോഗ്രാഫ് എഴുതുന്ന തിരക്കിലും,
  

     ക്ലാസ് റൂമിന്റെ ഒരു വശത്ത് കുറച്ച് പേർ വല്ലാത്ത പ്ലാനിങ്ങിലും അങ്ങനെ ആകെ ഒരു അവസ്ഥ.ഞാനും ഒരാൾ നീട്ടിയ ഓട്ടോഗ്രാഫും മേടിച്ചു ക്ലാസ് റൂമിന്റെ ഒരറ്റത്തിരുന്നു ,എന്റെ കൂടെ രണ്ടാം ക്ലാസ് മുതൽ പഠിച്ച എന്റെ കൂട്ടുക്കാരിയുടെ ഓട്ടോഗ്രാഫിൽ എന്തെഴുതണം എന്നറിയാതെ കുറച്ചു ആലോചിച്ചു അവസാനം "കളിചിരിയിൽ നാം കൂട്ട് കൂടിയ നിമിശങ്ങളിൽ അറിയാതെ പറഞ്ഞു പോയ വാക്കുകൾക്കും തിരിച്ചു കിട്ടാത്ത ഓർമകൾക്കും കണ്ണീരോടെ വിട "എന്നെഴുതി ഒപ്പിച്ചു അടുത്ത പേജിൽ ഒരു ചിത്രം വേണം എന്നവൾ ആവശ്യ പെട്ടപ്പോൾ കുറച്ച് റോസാപൂക്കളും വരച്ചിട്ടു, അങ്ങനെ ഞാൻ എന്റെ ഓട്ടോഗ്രാഫും അവൾക്കു നൽ കി അവൾ എന്തെക്കെയോ എഴുതി തിരിച്ചു തന്നു.
         

       പിന്നീട് സങ്കടവും കരച്ചിലും കെട്ടി പിടുത്തവും ഒക്കെ കഴിഞ്ഞു എല്ലാവരും പിരിഞ്ഞു പല സ്കൂളുകളിലായി മാറി ഇടക്കൊക്കെ ചിലരെ ക്കാണാം ചിലർ നന്നായി സംസാരിക്കും മറ്റുചിലർ കണ്ടഭാവം നടിക്കില്ല അങ്ങനെ കാലങ്ങൾ ഒരുപാട് മുഞ്ഞോട്ട് നീങ്ങി ഞങ്ങൾ ആൺ കുട്ടികൾ അതികവും നല്ല കൂട്ട്കെട്ട് ഇന്നും തുടരുന്നു. പെൺകുട്ടികൾ എല്ലാവരും കല്യാണമൊക്കെ കഴിഞ്ഞു കുട്ടികളൊക്കെ ആയി നല്ല രീതിയിൽ ജീീവിക്കുന്നു.ഒന്നുരണ്ടു പേർ പ്രശ്നങ്ങളും പ്രയാസങ്ങളും ഒക്കെ ആയി വേറേയും.ആൺ കുട്ടികൾ ഒന്നുരണ്ടു പേർ കല്യാണം കയിഞ്ഞു ചിലർ പങ്കാളിയെ തിരയുന്നു അങ്ങന ജീവിതം മുന്നോട്ടു പോകുന്നു.പ്രവാസിയായും ,നാട്ടിലായും എല്ലാവരും ഓരോ മേഘലകളിൽ ജോലി ചെയ്യുന്നു .ഞാനും ആ കൂട്ടത്തിൽ ഒരു പ്രവാസിയാണ്.
   

       സ്കൂൾ ജീവിതത്തെ ഓർക്കാൻ ഒരുപാട് ഓർമ്മകൾ ഉണ്ട് മറക്കാത്ത സുഹൃത്തുക്കൾ  മനസ്സില്‍ നന്മ വളര്‍ത്തിയ അധ്യാപകർ ഒരുപാട് നല്ല ഓർമ്മകൾ അങ്ങനെ,ഇടക്കെപ്പോയോ ഞാനെന്റെ പഴയ ആ ഓട്ടോഗ്രാഫിന്റെ താളുകളൊന്നു മറിച്ചു അതിൽ ഞാൻ ഓർത്തു വെക്കുന്ന ആ വരികൾ എന്നെ ഒത്തിരി ചിരിപ്പിക്കുന്നുണ്ട് എന്റെ കൂട്ടുകാരി അന്നാ തിരക്കിൽ എഴുതിയത് ഇന്ന് എന്റെ തിരക്ക് പിടിച്ച ജീവിതത്തിൽ ഇടക്കൊക്കെ ഓർക്കുന്നു "നിന്റെ ജീവിതത്തിലെ ശുഭ മുഹൂർത്തങ്ങളിൽ ആഗാശത്തിലെ നക്ഷത്രങ്ങളെ പോലേ കുഞ്ഞുങ്ങൾ പിറക്കട്ടെ ,ഭൂമി ഉരുണ്ടതാണ് എന്നല്ലേ പറയുന്നേ നമ്മുക്ക് കണ്ടുമുട്ടാം " എന്നെഴുതി രണ്ടു കുത്തും ഒരു കോമയും അവളെ പേരും ,
   

         ഓട്ടോഗ്രാഫ് എടുത്തു നോക്കാതെ ഇന്നുംkഞാൻ അവളെ ഓർക്കുന്നു ,കൊഴിഞ്ഞു പോയ നിമിഷങ്ങൾ തിരിച്ചു കിട്ടില്ലല്ലോ ? സീ എം എസ്സിന്റെ വരാന്തയിൽ കൂടി നടന്നതും ക്ലാസ്സിലിരുന്നതും അടിപിടികൂടിയതും ഓരോന്നും മറക്കാതെ ഇന്നും ഓർത്തെടുക്കാൻ പറ്റുന്നുണ്ട് ജീവിതത്തിന്റെ തിരക്കിലും എല്ലാം ഓർമകളെ അഴവിറക്കുന്നു....,
                                  റാഫി റിപ്പൺ